نرجع للبداية✨

التواصل فطرة بشرية أصيلة، جعلت الإنسان يبتكر في اللغة، ثم الكتابة، وإرسال المعلومات والتقنيات التي أوصلتنا إلى اختراع الهاتف، فالجوال، وأخيرًا الإنترنت. كثير من القفزات الابتكارية الكبرى بدأت من سؤال بسيط: كيف نتواصل مع بعض؟

بداية الإنترنت والمنصات

كان الإنترنت في بداياته عبارة عن وعد عظيم شبكة مفتوحة، لا مركزية، لا يملكها أحد، ولا يستطيع أحد إيقافها أو إسقاطها. مساحة حرة تسمح لأي شخص أن ينشئ موقعًا، أو يكتب مدونة، أو يدير منتدى. كان كل شيء ممكنًا، وكان الصوت الفردي مسموعًا. المدونات والمنتديات انتشرت كالنار في الهشيم، ولكل شخص زاويته وصوته ومجتمعه الخاص.

لكن بشكل تدريجي بدأت تخرج منصات عملاقة تسيطر على أغلب الإنترنت. ورغم أنها بدأت من روح الإنترنت الغير مركزي، إلا أنها تحولت إلى كيانات مركزية تفرض رأيها وسياساتها وأفكارها على كل مستخدميها.

تويتر من التدوين السريع إلى مجلس السعوديين🐦📰

بدأت تويتر بشكل بسيط وفكرة أبسط 140 حرفًا، تكتب فكرة أو قصيدة أو مدونة صغيرة. لا صور، لا فيديو، لا قصص ولا بث مباشر. مجرد نصوص سريعة نفس فكرة المدونات والمنتديات لكنها بشكل أسرع، هذه البساطة جذبت فئة معينة من المستخدمين في السعودية لم يكن تويتر للكل في البداية، بل كان مساحة صغيرة للمهتمين في الثقافة والتقنية. وجد فيه "المحنّكون" مساحة لهم للتعبير الحر، ولغة تتجاوز قيود المنتديات التي تعتمد على رأي صاحب المنتدى والموضوعات الطويلة. كان المكان الأنسب لكتّاب الأفكار، والنقاشات، والأسرار المجتمعية. فصار تويتر نخبويًا في بدايته، بعيدًا عن الفوضى.

في المقابل، كان فيسبوك يكافح مع بدايته المبكرة في السعودية. لم يجد له مقعدًا في المجالس الرقمية، ربما بسبب طبيعته المغلقة أو تركيزه على العلاقات الشخصية المباشرة لكن غريب كيف تنجح منصات في مكان ولا تنجح في مكان وبينما تويتر بواجهته البسيطة وانفتاحه التام، كان كأنه مهيأ بشكل غير مقصود للمزاج السعودي حرية، سرعة، عمق واختصار ومجتمع.

ومع الوقت تحولت هذه النخبة إلى نواة مجتمع أكبر. بدأ الناس يسمعون عن تويتر في المجالس، ومع كل توصية، يزيد نمو المنصة ويبدأ المستخدمين الجدد بالكتابة والمشاركة. وفي وقت بسيط أصبح تويتر هو المجلس اليومي للسعوديين. مكانًا يعبر فيه الناس عن آرائهم، يردون على بعض، يتناقشون، يختلفون، و… أحيانًا أحيانًا “يتهاوشون” .

ومع توسع المنصة، دخل الإعلاميون، والمشاهير، وحتى السياسيون والمسؤولون. لم يعد تويتر فقط للناس، بل صار للسلطة كذلك. منصة واحدة يجتمع فيها الجميع، ويتكلمون بشكل متساوي والأهم هو عدد المتابعين أو التوثيق وليس الخبرة وهذا ما أعطى المنصة بعدًا جديدًا. لم تعد فقط للتدوين، بل أصبحت منبر تقد توصل فيه كلمتك للعالم العربي.

مصدر الأخبار

بدون تخطيط واضحة، أصبح تويتر فجأة المنصة الأولى للأخبار العاجلة. الوزارات تعلن فيه، الشركات تبرر، المشاهير يوضحون مواقفهم. تغريدة واحدة من حساب رسمي تكفي لتصل المعلومة إلى كل من يهمه الأمر.

هذا التحول، من منصة تدوين خفيفة إلى ساحة للنقاش السياسي والاجتماعي ومنصة للأخبار حدث وبشكل طبيعي لأن المستخدمين أعادوا تشكيل المنصة بطريقتهم، حسب احتياجاتهم، وثقافتهم. وهكذا وبدون قصد، ولد شيء فريد في الإنترنت السعودي: مجلس رقمي مفتوح، يسع الجميع… اسمه تويتر.

الحسابات الوهمية والبوتات

منصات التواصل الاجتماعي تعطي شعور عدم وجود عواقب بشكل عام ويمكنك الدخول بإسم مستعار بصورة كريستيانو رونالدو وبدون أي إثبات هوية حقيقي، ومن وراء الشاشة تقدر تتكلم في كل المواضيع ويتساوى المتعلم مع الجاهل والصغير مع الكبير وهذي من ميزات الإنترنت وأكبر عيوبه ويستطيع أي شخص ماجمة والتنمر دون أن يتحمل أي مسؤولية لحد معين أكيد.

هذا الانفلات توسّع أكثر مع دخول البوتات، أو الذباب الإلكتروني. حسابات تدار تلقائيا أو بأعداد كبيرة من جهات منظمة، هدفها ليس التفاعل، بل التشويش. دخلت هذه البوتات إلى تويتر وغيرت المنصة، لم تعد المنصة مساحة للتعبير الفردي، بل ساحة معركة تحكمها خوارزميات، وجيوش مجهولة وأجندات من الشركة والحكومات.

الهشتقة وتسمم الرأي العام

الهاشتاق كان في الأصل ميزة ظهرت بشكل عفوي من المستخدمين خلال مؤتمر تقني، ثم تبنتها المنصة لاحقًا بشكل رسمي. لكنها لم تكن مجرد ميزة تقنية، بل أصبحت نقطة تحوّل غيّرت طبيعة تويتر بالكامل. ومع تزايد الأخبار الفورية، وانتشار البوتات، وظهور الحسابات الوهمية والغاضبة، أصبحت المنصة بيئة خصبة للهشتقة كانت العاصفة المثالية لبدء الهشتقة وإندفاع الرأي العام.

تبدأ القصة عادةً بتغريدة بسيطة مرفقة بهاشتاق لموقف شخص أو تغريدة قديمة أو شيء مقصوص من سياق معين، ثم تتسارع الأحداث، وتنتشر التغريدة كالنار في الهشيم، لتتحول إلى عاصفة رقمية لا ينجو من في وسطها، ولا أحد يسأل عن السياق أو النوايا أو ايش الي صار حتى تنتهي العاصفة كما بدأت فجأة .

تدريجيًا، فقدت المنصة طابعها الحواري، وتحولت إلى مساحة لتفريغ الغضب وضغط الحياة اليومية. ومع أن تويتر لم يصمّم لهذا الغرض، إلا أن خوارزمياته التي تفضّل التفاعل والانفعال ساهمت دون قصد في تغذية هذا السلوك وهذا يرجع لأصل المشكلة وهي الإعلانات.

لعنة نموذج عمل الإعلانات💸💸

الإعلانات نموذج عمل قديم من الصحف والتلفاز بدأ الإنترنت يتبناه بشكل أسرع من ما نتمنى، وقدرت الشركات تتفوق على النموذج وتبدأ تستخدم بيانات لتخصص الإعلانات لك أكثر وتاخذ من وقتك أكثر وأصبح أفضل عقول العالم مهمتهم الأساسية هي جذب الانتباه والاستحواذ على وقتك لبيعه بثمن بخس للشركات على هيئة إعلانات مخصصة، وما كانت المشكلة فقط على منصات التواصل بل حتى قوقل وكثير من الشركات التقنية، والفلسفة الأخيرة أن المستخدم النهائي يصبح هو المنتج لشركات الإعلانات.

وأثر هذا النموذج على تويتر ولم تصبح تجربة المستخدم هي الأهم والأهم هو إستمرارك في المنصة حتى لو كان على حسب أعصابك وخلايا مخك لأنك مرة ثانية ما تدفع للمنصة بالتالي أنت المنتج لشركات الإعلانات.

ايش الحل ؟ مافي حل واضح بالنسبة لي كثير من الشركات تشوف الحل هو الاشتراكات لكن صعب عليها إزالة هذا النموذج المتشعب في أرض الإنترنت والمحتوى، ولكن في تغير كبير لإضافة هذا النموذج في الشركات مثل يوتيوب وتعتبر الأنجح في الدمج بين الإعلانات والاشتراكات من شركات كثير طبقت النموذج مثل وسناب شات وسبستاك وأكيد إكس(تويتر سابقًا).

أين سيكون المجلس القادم للسعودين؟👨‍👩‍👧‍👦☕

صعب الواحد يعرف ايش المنصة المستقبلية الي بتكون مجلس السعودين أو هل إكس بيتحسن وترجع تكون المجلس أو ممكن تكون أكثر من منصة وتكون مجتمعات متخصصة على واتس اب ولا تيلجرام أو أي منصة ثانية للمجتمعات المغلقة الي فيها الكل يعرف الثاني لكن الأكيد سلوك التواصل مستمر بس ممكن تتغير الطريقة والمكان.

منصة سبستاك (Substack)؟

سبستاك هي منصة للنشر والاشتراك في النشرات البريدية والمحتوى، تتيح للكتاب وصناع المحتوى بشكل عام علاقة مباشرة مع متابعينهم دون تدخل خوارزميات أو إعلانات والتحكم في المستخدم النهائي. بدأت بفكرة بسيطة: تمكين الكتّاب من امتلاك جمهورهم، ومكافأتهم ماليًّا عبر الاشتراكات بدلًا من عدد المشاهدات أو النقرات وكان تركيزهم في نفس الوقت على إنشاء منصة خاصة منفصلة للكتاب بموقعهم الخاص وإرسال إيميلات خاصة بإيميل الكاتب بحيث يكون جزء من الأستقلالية للكتاب وخلق مدونتهم أو مجتمعهم الخاص ومن ثم إنشاء تطبيق خاص للقراء والكتاب لجمعهم في مكان واحد مع مستخدمينهم لخلق مجتمع رائع من المستخدمين والكتاب وإمكانية إنشاء مجتمعات خاصة أو عامة حول موضوع معين، وبدأ تبنيها بشكل طبيعي في السعودية مع أنها لا تدعم العربية بشكل ممتاز.

سبستاك حل مشاكل كثير بهذا النموذج المختلف عن باقي المنصات:

1- إزالة نموذج العمل المعتمد على الإعلانات والأنتقال الى الاشتراكات.

2- إزاحة الخوارزميات الصارخة وترتيب المتابعات والتوصيات.

3- منصة خاصة وعامة في نفس الوقت

4- القدرة على التواصل المباشر بين الكاتب والقارئ حتى لو خرج صانع المحتوى لخارج المنصة.

5- تحفيز جودة المحتوى وليس الكمية.

6- سهولة البداية وصناعة المحتوى العميق والمتخصص.

اختراق تأثير الشبكة

قدرت سبستاك تسوي نفس الي صار مع تويتر وفيسبوك وسناب شات وهوا خلق مجتمع راقي متفاعل متماسك وجعلها الميزة الأساسية للنمو واختراق عدد المستخدمين الكبير في منصات التواصل الكبيرة بالتالي لا تحتاج عدد كبير بشكل سريع لأن ميزتها التنافسية الأن أنها مجتمع سري من مستخدمين رهيبين يهدف للجودة على العدد الكبير وحتى مع وجود عدد محدود تمكنك المنصة من إنشاء مجتمعك الخاص المحدود جدًا أو حتى يصبح المحتوى والمجتمع مدفوع بالتالي تحد أكثر وأكثر من وصول الناس وسهولة التفاعل الغير قيم.

مصادر رهيبة على سبستاك وتويتر:

نشرة أها تكلمت على هجرة مجتمع تويتر الى سبستاك نشرة رهيبة🚀

مؤسس سبستاك يتكلم عن منافسة سبستاك مع إكس

فرصة لبناء منصة تواصل سعودية عربية

منصات التواصل هي من أقل المناطق الي حاولنا نبتكر فيها كعرب وسعودين مع إنها أكثر المنصات الي تاخذ وقتنا ومن تركيزنا، ومع قدرتنا على إبتكار منصات تنافس منصات عالمية في مجالات مثل توصيل الطلبات والركاب والتجارة الإلكترونية ونقاط البيع وشبكة المدفوعات المحلية وغيرها لكن لم توجد منصة تنجح بشكل كبير في مجال منصات التواصل، يوجد الأن منصات تواصل بدأت تخرج في الى السوق لكن تحتاج الى إبتكار وتغير واضح وأتوقع في هذي الفترة يوجد عندنا نافذة ضيقة مع لخبطة منصات التواصل وعدم معرفة مؤسسيها ايش الخطوة القادمة ومثل ما قال حكيم الله يستر عليه "الفوضى سلم الفرص" والوضع الحالي في عالم منصات التواصل هو لخبطة حقيقية، على كل المستويات: خوارزميات إدمانية، سياسات متخبطة، منصات لم تعد تعرف من تخدم، ومستخدمون يشعرون أنهم غرباء داخل أنظمة لا تشبههم.

وسط هذا المشهد، تبرز فرصة نادرة: بناء منصة سعودية أو عربية، تخاطبنا بلغتنا، وتفهم ثقافتنا، وتُدار من داخل منطقتنا. منصة لا تُفرض عليها أجندات خارجية، ولا تُقصينا من أولويات التطوير، ولا تعيد تشكيل هويتنا بناءً على خوارزميات لا تفهم سياقنا ولا تعنينا.

المثير للاهتمام هو أن أقوى المنصات في التاريخ بدأت من نقطة ضيقة جدًا. فيسبوك، مثلًا، بدأ كمنصة بسيطة لطلاب جامعة واحدة فقط. هذه الحدود لم تكن عيبًا، بل كانت ميزة تنافسية. حدود أو نادي خاص ساعدهم على فهم المستخدمين، بناء مجتمع صغير متماسك، وتطوير تجربة مستخدم عالية الجودة… قبل التفكير بالتوسّع.

ونفس الفكرة تنطبق علينا. إذا بنينا منصة لكل أحد من اليوم الأول، بنضيع. لكن لو بدأنا من مجتمع محلي، جمهور مهتم، أو شريحة واضحة نقدر نختبر، ونحسّن، ونبني قاعدة حقيقية ما أعرف بالضبط كيف ممكن تخرج في هذي المنصة وأيش ممكن تكون ميزاتها لكن الأكيد أن المنصات الكبيرة اليوم مترهلة ثقيلة ومتشعبة، وتائهة بين رغبات السوق وتحديات البقاء ونموذج عمل غريب.

وبس سلامتك،

حاتم السلمي

مشكلة فكر🧠

طول حياتنا نعيش كمستهلكين, والحياة مصممة للإستهلاك من الإعلانات الى التفاخر بالبراندات بين الناس حتى كثير من رجال الأعمال صناعتهم الأساسية استيراد منتجات من الصين او اي مكان من العالم وبيعها للمستهلكين وهذا يقلل الأبتكار والصناعات الناشئة لما يكون السوق معتمد اعتماد كامل على منتجات عالمية او حتى في البرمجيات حلول مستوردة, اجهزتنا مستوردة وتطبيقات وبرامج تواصل عالمية نستخدمها وما نقدر نتخيل حياتنا بدونها.

طيب ممكن تسأل فين المشكلة؟ بتكلم في البرمجيات بشكل خاص المشاكل بالنسبة لي,

• سحب العقول والمواهب من الوطن العربي = قتل الجيل الجديد من المبتكرين والمبدعين

• التحكم في مفاصل الدول من بنية تحتية رقمية مثل المدفوعات والشبكات ومراكز البيانات والجوالات واي جهاز في بيتك في عملك او في حكومتك

• التحكم في منصات المشاهدة مثل يوتويب ونتفلكس وديزني وغيرهم

• التحكم في منصات التواصل مثل واتس اب وأكس (تويتر) وسناب شات وغيرهم

ممكن يكون كلامي كأني بومر يحذر من الغرب وخلاص نقفل كل تواصلنا مع العالم ونسير زي الصين في وي شات بس لا مو هذي الفكرة, الفكرة اننا كيف نقدر نتعلم منهم ونطلع بحلول مخصصة لمنطقتنا نفس الي صار مع كريم واوبر او مع شاهد ونتفلكس اوتطبيقات التوصيل او منصات التجارة الإلكترونية او جاكوا مع تيكتوك! او منصات التقنيات المالية الي طالعة الفترة هذي شيء أكثر من عظيم ولسة في مشاكل كثير تحتاج حلول خاصة.

المشاكل سلم الفرص 🪜 Chaos Is A Ladder

فكرة إن المشاكل عبارة عن فرص وأنك كمبرمج "تحل مشاكل" ما كنت افهمها بس لما بدأت ابحث عن فكرة لمشروع تخرجي بشكل تلقائي توجهت لمشاكلي وبدأت اشوف مشاكل الناس وهنا تبدأ تدخل في مرحلة غريبة من تصيد الفرص والمشاكل وتسمع شكوى اي شخص في تطبيق موجود او بمشكلة تصير معاهم تبدأ تشوفها فرص بس كيف تقدر تقيم فرصة عن فرصة او تعرف اذا هذي المشكلة يستاهل انك تحلها ؟ هنا تبدأ الرأس مالية الي كنت اكرها واشوف العالم مادي بزيادة بس الي ماكنت مستوعبه أن الفلوس عبارة عن الدواء عبارة عن الأكل وغيرها هي قيمة وأفضل حل علشان تقدر تحدد حجم مشكلتك هي انك تقارنها في هذي القيمة هل مستعد عميلك يدفع علشان تنحل المشكلة؟ كانت اغلب المشاكل الي طلعنا فيها ما تستاهل تنحل وفي عصف ذهني قلنا بنمر بيومنا ايش المشاكل الي تصير معانا من بداية اليوم اول مشكلة جات في بال واحد من الفريق "الشمس والحر" اول ما ادخل السيارة السيارة تكون حارة ومكتومة وسيارتي ما اقدر اشغلها من ريموت السيارة وبدأنا هنا نبحث عن حلول في علي بابا تشغل المكيف قبل ما يدخل الشخص السيارة وتفكير عميق فكيف نسوي جهاز يحل المشكلة ووقفنا البحث لأن الحل بيكون صعب اننا نقدر ننفذه, بس ارجع افكر في الموضوع واشوف اننا وصلنا للمشكلة الصح بس ما قدرنا نعرف ايش الحل الي كان موجود وابسط من جهاز وهوا تظليل السيارة 😅 بس العصف الذهني والبحث عن مشاكل وحلول للأبتكار من الأشياء الي حببتني في فكرة الهاكثونات البرامج التدريبية بس هنا نطيح في فخ التنقل من فكرة الى فكرة ثانية ومن هاكثون الى هاكثون ثاني وخلاص ما يحتاج انك تنفذ الأفكار فالتفكير سهل وحل المشاكل في الورق اسهل ما يكون.

تكلم يمان العرضي في هذا الموضوع "احفر خمسة عشر متراً!" وفكرة قالها يمان"من معاناة العمل إلى رحابة الأفكار!"

شمر وأدخل المطبخ 👨‍🍳

كل شيء يكون سهل لما تكون مستهلك لأن الشركة ومنتجها يركز على تسهيل التجربة وجعلك محورها أفكر في الموضوع لما ابرمج تبدأ تشوف المشاكل والصعوبات لدرجة انك تقدر اي تطبيق وتشوف التعقيد والعبقرية الي ما كنت تلاحظها كمستهلك كيف قدروا يصنعوا منصة او تطبيق مثل هذا يقدر يجمع ملاين المستخدمين وملاين العمليات بنفس الوقت وبدون مشاكل وانا قاعد اشتغل على صفحتين وكل شوية تطلع لي مشكلة 😅

وصناعة المنتجات صعبة جداً تحتاج تنسيق وترتيب بين فريق كبير علشان يقدر يبتكر منتج يحل مشكلة يندفع لحلها ملاين بس الميزة في صناعة التقنية انها معدية وتاخذ مكون عظيم فيها وهيا النموا والأنتشار مثل الي صار مع paypal mafia من شركة واحدة قدرت تطلع مجموعة من مؤسسين او مستثمرين شركات عملاقة في السيلكون فالي ومنهم ايلون ماسك ونفس الموضوع صار في منطقتنا وطلعت كريم مافيا وهم موظفين كانوا في كريم وأسسوا شركات مثل سويفل ساري وغيرهم من الشركات, لأن الموظفين والمؤسسين يكون عندهم تعمق في الصناعة تجربة اكثر من عظيمة في شركة سريعة نموا مع اسهم يقدر يبيعها في وقت التخارج ويبدأ يستثمر في شركات مثل الي صار مع سلمات بت مؤسس شركة سلة بعد تخارج بسيط من سلة استثمر مبالغ في شركات ناشئة كثير ومنها كان قانونية الي كان حسن باتي احد مؤسسيها يعمل في سلة, جميلة الفكرة أن مؤسسين الشركات الناشئة يتخارجوا من شركاتهم ويستثمروا في الشركات الناشئة الجديدة وتبدأ كرة الثلج تكبر وتكبر معاها الأبتكارات والحلول.

قصة من السوق

المراجع التقني MKBHD قرر يبني منتج عبارة عن تطبيق يجمع خلفيات شاشة جوال (بحكم انه مشهور بخلفيات الجوال الرهيبة) وفعلا بدأ وسوا التطبيق واطلق المنتج الي واجهه انتقاد كبير من الجمهور لمشاكل منها سعر الأشتراك العالي لتطبيق خلفيات جوال ومشاكل ثانية ومع أن اليوتيوبر مراجع ويقيم المنتجات بس ما كانت هذي المشكلة في باله, ويبان هنا صعوبة الموضوع المستهلك والناقد الجيد بيقدر يميز الجيد عن السيء لكن ما بيقدر يصنع منتجات بنفس الطريقة, لكن بعد الأنتقاد العالي ما وقف MKBHD التطبيق لا كمل وصلح كل المشاكل الي كان الجمهور يتكلم عليها واتوقع هذي الطريقة الصحيحة لبناء المنتجات التقنية وتطويرها علشان كذا يقولوا الأفكار مالها قيمة لأنها بتتغير مع الوقت وتطور

تكلم مشهور الدبيان في هذا الموضوع "تطوير المنتجات أصعب من التقييم"

مصادر وتوصيات✨

تكلم يمان العرضي في هذا الموضوع "احفر خمسة عشر متراً!" وفكرة قالها يمان"من معاناة العمل إلى رحابة الأفكار!"

The mafia that rules the tech world - Company Forensics

كريم مافيا والشركات الي أسسها فريق كريم https://www.wamda.com/2020/11/glimpse-careem-mafia

تكلم مشهور الدبيان في هذا الموضوع "تطوير المنتجات أصعب من التقييم"

متصفح جديد ؟

المتصفح يعتبر بوابة الأنترنت ومن أكثر البرمجيات الي نستخدمها في حياتنا وبشكل يومي, يستعمل من كل العالم ومن كل الأعمار وعدد قليل من البرمجيات توصل لهذي المرحلة, وفي نفس الوقت من أقل البرمجيات تطور وتغير مع أن تقنيات الويب تغيرت بشكل جذري لكن المتصفح ما تغير وهنا بدأت شركة المتصفح من نيويورك (The Browser Company) "الأسم بالعربي غريب" وكانت فكرتهم الأساسية كيف يغيروا المتصفح بشكل جذري.

فكر بطريقة مختلفة 🛣️

لما تستخدم متصفحهم ارك (Arc) تقدر تشوف تبسيط وتغير في التجربة بالكامل وإعادة التفكير في المتصفح من البداية كيف ممكن تبسط التجربة وتحذف اي عنصر ولا خطوة مالها داعي وتحدث الواجهات وفي نفس الوقت يكون سهل الأستخدام وبشكل تلقائي للمستخدم وبدون تفكير.

• صفحة جديدة لما تبحث ؟ لا, طلع البحث في نصف الشاشة وخلي المستخدم يبحث ولما يبحث ينتقل للصفحة (والتأثير في هذي النقطة انك تغير تجربة قوقل الي متعود عليها المستخدم وتقدر تربط مع اي محرك بحث سواء كان chatGPT او إنشائهم صفحة تلخص البحث)

• صفحات او تابات كثيرة ؟ لا, جمعهم كلها على اليسار وصنفها المهم منها في مكان خاص او في ملفات وباقي التابات بتنحذف بعد فترة

• مساحة كبيرة في اعلى الصفحة ؟ لا, انقلها مع التابات على اليسار

• تجربة مستخدم من ال90s؟ لا, جدد التصاميم والتجربة بشكل جذري

صح اشوف متصفح ارك صعب تتعود عليه في البداية وفي تعقيدات لكن بعد فترة يسير كل شيء منطقي وسهل, بس نرجع للقصة وبعد بداية الفكرة وبناء المنتج بدأ هنا التسويق والنموا.

لا تبيع منتجك بيع الرؤية والمستقبل ✨

في اول مقطع على يوتيوب يتكلم جوش عن رؤيتهم كيف كل المنصات مثل فيقما ادوات قوقل نوشن حتى الشركات صارت على المتصفح وحتى لو كان في تطبيق على ويندوز ولا ماك هما في الخلفية يستخدموا كروميوم (متصفح) وكل ملفاتنا من صور ومستندات وشغل صارت على الكلاود وعلى الأنترنت وكانت هنا الرؤية اننا ما نبني متصفح لا بنبني نظام تشغيل كمبيوتر على الأنترنت تقدر تدخل عليه من اي جهاز من اي مكان, وهنا الطموح الكبير الي يحمس الناس تستخدم المنتج حتى لو كانت فيه مشاكل تصبر معاك لأنها ارتبطت معاك بشكل شخصي وبرؤيتك.

غير الرؤية كانت طريقة تسويقهم في يوتيوب او على تيكتوك باقي المنصات طريقة جديدة على الشركات, الرئيس التنفيذي يتكلم معاك بشكل مباشر وواضح وصريح بخصوص الرؤوية والميزات او حتى يسوي رياكشن على مقطع MKBHD والتيم يطلع في مقاطع كل شخص يشرح الميزات الي اشتغل عليها وليش سوها وايش المشاكل الي انحلت وحتى بعض اجتماعاتهم مع فريقهم او مع مجلس الإدارة.

أدوات تحسن تجربة التصفح🪛

ما كانت فكرتهم بس في المتصفح لا كانت الفكرة في بناء مجموعة من المنتجات او الأدوات الي تساعدك مع نفس المتصفح.

البووست (booooooost)

أداة تغير تجربة اي موقع في بالك او تسوي ثيم على اكثر من موقع عن طريق التعديل على CSS وHTML مثلا لو احتاج اخلي اليوتيوب بدون شورت او اغير شكل الصفحة الرئيسية اقدر بكل بساطة اغيرها واتوقع مع المستقبل وخصوصًا مع الذكاء الصناعي اقدر اسوي اي ميزة احتاجها داخل المنصة بشكل سريع بدون extension وبعد ما تسوي الثيم او الميزة الي في بالك تقدر تعرضها على باقي المجتمع والكل يقدر يستخدم ثيمك او البووست وهنا الاحتمالات لا نهائية لأنك تقدر تستخدم قالب شخص وتطور فيه اكثر واكثر وبعدها شخص يطور على قالبك أكثر وأكثر.

ايزيل (Easel)

مكان يجمع أجزاء من الإنترنت كأنك تصور الشاشة بس الشاشة تكون جزء من الموقع وتتحدث بشكل دوري في الصفحة فكرة بسيطة وسهلة بس في نفس الوقت تقدر تسوي اي حاجة في بالك من داشبورد الى مكان يجمع كل التنبيهات او التاسكات الى عروض امازون وتقدر تشارك الصفحة مع اي شخص ويقدر يضيف ويعدل كأنك تستخدم فيقما او ميرو بس تكون جزء من الويب.

ميزات الذكاء الصناعي (Arc max)

بعد اطلاق chatGPT كان تهديد لقوقل وصح قوقل وتنافس كل المتصفحات الي تعيش على البحث وكان واضح تركيز شركة المتصفح "الأسم لسة غريب" على ميزات الذكاء الصناعي, لأنها بتكون الفارق عن باقي المتصفحات وطلعت رؤية جديدة "متصفح يتصفح لك" بمعنى ما يحتاج تاخذ وقت علشان تبحث عن المعلومة, بضغطة زر المعلومة تترتب وتجيك جاهزة زي ما تحب

• إضافة تغير محرك البحث الى chatGPT او perplexity

• ترتيب التابات والصفحات على أقسام

• تلخص الصفحة او تسألها عن محتواها

• ميزات صغيرة هنا وهناك تحسن التجربة

ميزات ارك بحث (Arc search)

• اضافة ميزة تلخيص الصفحات او تلخيص البحث

• تدق على المتصفح وتسأل ايش تحتاج منه

• باقي ميزات ارك

المتصفح في ويندوز 🪟

واحدة من التوجهات في بدايات الشركات الناشئة الي تركز على سرعة النزول للسوق والتحكم بالتكاليف هي التركيز على منصة واحدة غالبًا تكون ماك او ايفون وتكبر على هذي المنصة وتتوسع بالميزات لكن لما تبدأ تنفجر ويسير الكل بيستخدم المنصة يتذكروا أن اغلب المستخدمين على ويندوز ولا اندرويد (السعودين مستخدمين الأيفون أكثر) وصارت نفس المشكلة مع ارك ودراهم في السعودية, وكان حل دراهم بداية تطوير تطبيق اندرويد على فلاتر مع استخدامهم سويفت على الأيفون توجهم كان غريب بالنسبة لي ليش ما تسوي تطبيق الأندرويد على كوتلن؟ إذا بتستخدم سوفت على الأيفون بس ممكن كانت ترك مجال للأنتقال لفلاتر على الأيفون مستقبلاً, بس نرجع لأرك الي كان حلهم للمشكلة اغرب, وبحكم صعب تستخدم فلاتر او غيرها على متصفح فالحل كان بنستخدم سوفت على ويندوز🤯 مع أن أغلب المتصفحات تستخدم ++C وتقدر تستخدمها على اكثر من منصة بس مشكلتها تحتاج وقت علشان تبني فيها وعلشان تتأكد مافي اي مشاكل او ثغرات, وكان في نفس الوقت تركيزهم الأساسي سرعة بناء الميزات وإطلاقها وبما انهم مستخدمين سويفت ليش ما يكملوا الشغل عليها بيكون تحدي كبير بس مقدور عليه, وبعد فترة قدروا يطلقوا ارك على ويندوز.

تجريب الأفكار بسرعة 💡

واحدة من ميزات الشركة سرعة إطلاق الميزات وتجريبهم لميزات جديدة ومختلفة بشكل سريع وكان هذا جزء أساسي في بنائهم على سويفت وقرار بناء المتصفح على ويندوز بنفس الفكرة, وهي السرعة والأنتاجية بحكم انهم شركة ناشئة يحتاجوا السرعة علشان يقدروا ينافسوا في محيط المتصفحات الأحمر, وفي نفس الوقت قدرة على التفكير بأفكار جديدة واختبارها بشكل سريع عن طريق صناعة نماذج تحاكي كل فكرة يخرج فيها الفريق وبعدها كل الفريق يقدر النموذج ويشارك بالفكرة وهذي ميزة عظيمة, هنا ما يحتاج يتخيلوا كيف الميزة ممكن تشتغل او كيف تصميمها لا يجربوا الفكرة بشكل فعلي ويعطوا رأيهم ومقترحاتهم

وجزء من السرعة والتجريب بعد ما يجربوا الميزات ويطورها بشكل كامل ويطلقوها ممكن ما تعجب المستخدمين سرعتهم في سحب الميزة او تحسينها رهيبة.

تعدد المنتجات والتوسع

النموا كبير بس كان غير كافي لهم نحتاج متصفح الكل يقدر يستخدمه

دِيا (Dia)متصفح جديد مختلف ؟! فجأة قررت الشركة تبتكر متصفح ثاني مختلف مدعوم بشكل كامل بالذكاء الصناعي وبحكم كل تفاعلاتك بتكون في المتصفح بيكون أفضل مساعد ذكي يفهم سلوك وايش تحتاج بشكل دقيق والنظرية كانت إن الذكاء الصناعي وصل مرحلة مختلفة لكن يستخدم في نفس الطريقة القديمة في شات وبحث بس ليه ما يكون مربوط بشكل كامل في كل خطواتك يقدر يعرف اي حاجة قاعد تسويها بدون ما تكتب له مثلا: حاب تشتري هدية من امازون وبتستشير احد في الهدايا بس يقدر الذكاء الصناعي يكتب للشخص الي بترسل له ويشوف المنتجات الي تصفحتها في امازون ويرسل الروابط ويأتمت عملية الشراء بعدها, ونفس هذي الفكرة تقدر تطبقها في اي سلوك يتكرر وبما انك تستخدم المتصفح للبحث وللعمل والتصميم وترتيب المهام بيكون على اطلاع في كل تصرفاتك ويدرسها (الفكرة تخوف شويتين) غير الخوف من الفكرة بعض مستخدمين ارك خايفين على متصفحهم, وأن الشركة بتوقف التطوير والتحسين مع وجود فرصة كبيرة لمتصفح ارك.

كيف تربح شركة المتصفح؟💸

اغلب المتصفحات معتمدة على أخذ بيانات تصفحك وبيعها للمعلنين وهذي كانت فكرة مرفوضة لشركة المتصفح, بس كيف تقدر تدخل فلوس؟ الجواب كان عن طريق نموذج B2C2B من الشركة الى عميل الى شركة, توفر المنتج للعميل ويستخدمه مجاناً او بملغ بعدين, علشان العميل تعود على استخدام المنتج يستخدم نفس المنتج في الشغل وهنا الشركة تدفع علشان تقدر تجمع التيم وتاخذ ميزات اكثر, وهذا خلق توسع كبير لهذا النوع من المنصات وناخذ فيقما كمثال كانت شغالة من البداية على منتجها ولما يشوف العميل المنتج مجاناً ويقدر يبدأ فيه عكس منافسهم Adobe XD يشوف انه خيار جيد ويبدأ يتعمق في المنصة أكثر وأكثر ويبدأ يفضل يشتغل على فيقما حتى مع شركته وعلشان توفر الشركة هذا الخيار مع ميزات اضافية مثل عدد الملفات ومشاركتها داخل الشركة لازم تشترك لكن في نفس الوقت وفي حالة فيقما المنتج غير مجاني بالكامل تقدر تنشئ ملفات كثيرة لكن ما تقدر تشارك اكثر من ثلاثة ملفات الأ لما تدفع كمستخدم نهائي اشتراك (بمعنى المنصة غير مجانية بشكل كامل للأفراد) وهذا التحدي في هذا النموذج صعب تخلي المنصة بشكل كامل مجانية في تكاليف عالية على الشركة خصوصًا لو كان في ميزات Ai لكن اتوقع الشركة في مرحلة استكشاف للنموذج وممكن تجرب اكثر من تجربة مثل بيع الboost او اشتراك مع ميزات اضافية في Ai وباقي الأدوات.

ليش ما عندنا مثل هذي الشركات؟

في شركات ناشئة بدأت تسوق بنفس الطريقة من تبسيط التجربة وتجديدها مثل دراهم ونينجا او حتى نشر الرؤية مثل ثمانية ومنتجاتها الجديدة او حتى سكيلر في نشر التحديثات لمنصتهم بس ما وصلنا لمرحلة اننا نسوي منتجات تغير التجربة بشكل كامل غير ربحية بشكل مباشر مثل ارك او نوشن او فيقما وغيرها واتوقع السبب الأساسي هوا التمويل هذا النوع من الشركات صعب ينجح ويحتاج وقت طويل علشان يبدأ ينضج المنتج وفي نفس الوقت تحتاج فريق جبار

توصيات ومصادر✨

قناتهم على اليوتيوب من أرهب القنوات وأفضل المصادر علشان تعرف عن الشركة أكثر وتعرف كيف تقدر تسوق منتجك بشكل مختلف @TheBrowserCompan

بودكاست ليني مع جوش مؤسس ورئيس تفيذي لشركة المتصفحCompeting with giants: An inside look at how The Browser Company builds product | Josh Miller (CEO)

مؤسسين شركات مثل فيقما ونوشن وشركة المتصفح في لقاء واحد Tools for the Future: Your best semester with Notion, Arc and Figma

ثيو خايف ارك يموت بعد منتجهم الجديد My favorite browser is (kind of) dead

ايش يعني منتج؟

أول ما اتكلم مع شخص خارج صناعة الشركات التقنية يستغرب من الكلمة (منتج؟ كيف تسوي منتج تقني؟؟) وأبدأ اشرح لهم أن واتس أب يعتبر منتج تقني، ويستمر النقاش, لكن خلينا نبدأ من هناك ايش يعني منتج بشكل عام؟

ويكيبيديا تقول"هو لفظة عامة تشمل كل ما يصنع أو ينتج بغرض البيع والتسويق والتصدير للأفراد أو الجماعات أو الدول، ويشمل المنتجات الصناعية والزراعية والخدمات." تعريف عام ونقدر نشتغل معاه, في طلب على حاجة معينة أو "احتياج" ولاهو شرط تكون منتجات ضرورية أو أساسية ممكن تكون منتجات غير أساسية والغريب لما تدخل البقالة تشوف أغلب المنتجات ما هي احتياجات هي فقط رغبة، واقصد هنا باحتياج لو صارت أزمة ما بتكون أولوية أنك تشتريها، وهنا نحتاج مفهوم رهيب باسم العرض والطلب فكرة تبسط كل حاجة, إذا العرض اكبر تقل الأسعار والعكس صحيح, وتقدر الشركات تلعب في هذي المعادلة عن طريق التسويق والبيع وغيرها او تقلل التكلفة عن طريق زيادة العرض يعني تصنع أكثر، وهنا تنحد بقدرة استيعابية لمصنع أو مواد طيب لو كان في منتج ماله حدود تقدر تسوي ملاين منه من دون تكلفة كبيرة؟

المنتجات التقنية

عكس باقي المنتجات المصنعة ميزة المنتجات التقنية تنبني على أعظم حاجة في التقنية، وهي القدرة على التوسع والنمو, في الجامعة كانت أغلب المواد اعتيادية بس بعد مادة هياكل البيانات والي كان فيها فكرة "Big O" كيف تقدر تخلي الكود ينفذ أكثر قدر من العمليات بأقل استهلاك للمصادر والفكرة هذي نفسها تطبق على المنتجات لما يكون عندك منتج تقني ما تحتاج لما تنتج كل نسخة سلسة إمداد طويلة، ولا طاقة استيعابية من المصانع تخرج هنا من الجانب الفزيائي المقيد، وتنتقل لجانب الشبكة العنكبوتية وموارد هيا بشر وسيرفرات وحل مشكلة، وتقدر تكبر في هذي الثلاثة كل ما قدرت تحل مشكلة اكبر زي ما سوت واتس أب عدد موظفيها كان 55 لكن عدد مستخدميها كانوا 450 مليون مستخدم، واشترتها "فيسبوك" ب19 مليار دولار!, وهنا يكون سحر المنتجات التقنية.

قصة من السوق

تكلمت على واتس اب بس في شركات كثير قدرت تطبق الفكرة في المنطقة وفي السعودية منها كان الي معتمد اعتماد كبير على الأصول الخفيفة والتقنية مثل كريم او حتى حراج الي شايفها واحدة من اكثر المنتجات الي طلعت وكبرت بشكل طبيعي من الناس وللناس, او ممكن جاهز وتطبيقات التوصيل الي دخلوا في التشغيل وحتى توظيف المناديب (قصة تحتاج تحليل وفهم بس لوقت ثاني) وفودكس الي دخلوا في تصنيع الأجهزة ونادراً الشركات الي تكون تقنية بشكل كامل بحكم صعوبة صناعة القيمة الكبيرة بدون الدخول للأجهزة ولا التشغيل او حتى الشراكات مع الشركات، بس ودي افصل في قصص كل الشركات الي ذكرتها في نشرات قادمة ومن ناحية منتجات بشكل أساسي.

اهلا بالعالم👋

بداية نشرة عظيمة بإذن الله، بتكون مخصصة بالمنتجات والشركات التقنية.

ايش هدف النشرة؟

إثراء المحتوى العربي عن صناعة التقنية ومنتجاتها وربط المهتمين في المجال مع السوق وتجارب خارجية.

مين بيكتب النشرة؟

النشرة بتكون مساحة عامة لكل الأشخاص في عالم الشركات التقنية والمنتجات بالذات ماهي بس من حاتم.

وبس سلامتك.